¨'*•~-.¸¸,.-~*' ( يطول الوقت) ¨'*•~-.¸¸,.-~*'

يطول الوقت ياخلي ولا ندري وش الاسباب
.....غريب الوقت من دونك قفل بابه ومزلاجه

تعبت مصبرن نفسي على بكره وامل كذاب
.....وتعبت اجابه جيوش الغلا والقلب وازعاجه

عليك القلب وصاني بشوق يدفع الابواب
.....وباقي من حنين الامس جرح يرقب علاجه

كتبتك من الهموم اللي على صدري سطر وكتاب
.....سريتك يابعد عمري بليل وجهك سراجه

حفت رجلي على دربك ولا ينفع بعدك عتاب
.....لانك من رحلتي والحنين اصارع امواجه

رحلتي والسماء شحت علي والوجيه اغراب
.....رحلتي والعيون اللي تبيني مالها حاجه

رحلتي وانكشف ستر الوفاء والعشق والاحباب
.....رحلتي ياعسى بعد الفراق بيوم نتواجه